Corona ta kashe tsohon shugaban Burundi
Tsohon shugaban Burundi Pierre Buyoya ya mutu a birnin Paris na Faransa sakamakon kamuwa da cutar Covid-19 yana da shekaru 71.
Wallafawa ranar: Chanzawa ranar:
Majiyoyin makusantansa sun shaida wa Kamfanin Dillancin Labarai na AFP cewa, Buyoya ya mutu ne a cikin daren da ya gabata.
Tun a ranar Larabar makon jiya aka kwantar da shi a asibiti a birnin Bamako, kafin komawa da shi Paris, inda aka sanya masa na’urar da ke taimaka masa yin numfashi.
A yammacin jiya aka yi balaguro da shi zuwa Paris. Sai dai ya yi ban-kwana da duniya a daidai lokacin da motar daukar marasa lafiya ta kai shi asibiti don fara karbar magani.
A cikin watan Nuwamban da ya gabata ne, Buyoya ya yi murabus daga kuejrar manzan Kungiyar Tarayyar Afrika a Mali bayan kotu ta yi masa daurin rai da rai a Burundi bisa samun sa da hannu a kisan magajinsa a shekarar 1993.
Buyoya ya fara darewa kan kujerar shugabncin Burundi ne ta hanyar juyin mulkin 1987.
LabaranSamun Labaran RFI, Hirarraki, Rubattattuun Labarai, Labarai game da wani, shirye-shirye.
Hulda da mu