Grace Mugabe tana wasan buya da jami'an tsaro

Uwargidan shugaban kasar Zimbabwe, Grace Mugabe, taki halartar taron matan shugabannin kasashen yankin kudancin Africa, wanda aka fara shi a ranar Asabar, a Africa ta Kudu, da ya kamata a ce ta halarta.

Shugaban kasar Zimbabwe Robert Mugabe tare da uwargidansa Grace Mugabe yayinda suke halartartaron jam'iyyarsu ta ZANU (PF) a Chinhoyi, da ke Zimbabwe, ranar 29 ga watan Yuli da ya gabata. REUTERS/Philimon Bulawayo

Grace Mugabe dai tana cigaba da ikirarin Africa ta Kudu ta bata mafakar siyasa, bayanda da aka zarge ta da cin zarafin wata Mata a makon da ya gabata, ta hanyar gabza mata duka a kai, wanda hakan ya sabba wa matar samun rauni a kai.

Hukumomin Africa ta Kudu dai sun ce har yanzu tana kasar, kuma suna cigaba da nazari kan bukatar Grace Mugaben na neman su bata mafaka.

Tun a makon da ya gabata ne dai ‘yan adawar Zimbabwe, ke kiraye kirayen hukumomin tsaron Africa ta Kudu, su damke uwargidan shugaban nasu domin ta fuskanci hukunci.