An cafke wasu mata da ke shirin kai hari a Borno
Jami’an tsaron Civil Defence reshen jihar Borno a arewa maso gabashin Najeriya sun sanar da cafke wasu mata biyu da ake zargin cewa suna shirin kai hare-hare ne a yankin
Wallafawa ranar:
Jami’an tsaron sun bayyana daya daga cikinsu da cewa matar Mamman Nur ce wato shugaban kungiyar Boko Haram da ya balle, kuma an bayyana sunayen matan a matsayin Amina Shu’aibu da Fatima Muhammad Kabir wadanda aka kama a tashar motar Maiduguri.
Wasu rahotanni sun ce ‘Yan Boko Haram bangaren Abu Musab Barnawi sun kashe Sojoji 5 tare da raunana wasu bayan sun bude wuta a wani shingen binciken jami’an tsaro a Maiduguri.
Yanzu dai hare hare kan jami’an tsaro sun fara yawaita a Borno inda yanzu sau biyu ke nan ana kai hari shingen bincikensu a cikin mako guda.
LabaranSamun Labaran RFI, Hirarraki, Rubattattuun Labarai, Labarai game da wani, shirye-shirye.
Hulda da mu