Shugabannin ECOWAS zasu gudanar da Taronsu a Abuja

Shugabanin kasashen Afrika ta Yamma, na kungiyar ECOWAS, zasu gudanar da taronsu a Abuja, inda ake saran zasu zabi sabon shugaba, saboda kawo karshen wa’adin Shugaba Goodluck Jonathan na Najeriya.

Shugaban Najeriya Goodluck Jonathan a lokacin da yake zatawa da kamfanin Dillacin Labaran Reuters a fadar shugaban kasa. REUTERS/Afolabi Sotunde

Wani batu da ake tunanin zai mamaye zauren taron shi ne matsalar tsaro a Yankin Sahel da matsalar ‘Yan fashin Jiragen Ruwa, da kuma tabarbarewar al’amurran siyasa a kasar Senegal wanda ke fuskantar zabe.

Za’a dai kwashe kwanaki biyu ne ana gudanar da taron amma kuma a ranar Juma’a ne shugabannin zasu zabi sabon Shugaban Kungiyar ta ECOWAS.

Ana kuma sa ran shugabannin zasu zabi wanda zai gaji shugaban gudanarwar kungiyar James Victor Gbeho na Ghana.

A ranar 15 ga watan Fabrairu ne kuma Ministocin harakokin wajen kasashen zasu gudanar da taro bayan kammala taron shugabannin kasashen na ECOWAS.