Turkiya na farautar dan bindigar da ya kashe mutane 39

‘Yan sandan Turkiya na farautar wani Dan bindiga da ya kashe mutane 39 yawancinsu ‘yan kasashen waje a harin da ya kai a wani gidan cashewa a Istanbul a jiya Lahadi.

Mutane na aza faranni a gidan rawar da dan bindiga ya kashe mutane 39 a Istanbul AFP/YASIN AKGUL

Dan bindigar ya bude wuta ne kan mai uwa da wabi lokacin da mutane ke cashewar murnar sabuwar shekara a Istanbul.

Turkiya ta alakanta maharin da kungiyar IS da ta ke zargin ya fito ne daga tsakiyar yankin Asia.

Tun a farkon Disamba Jami’an tsaron Turkiya suka kaddamar da farautar ‘Yan ta’adda bayan samun bayanai akan yiyuwar kai hare hare a lokacin bukukuwan sabuwar shekara a biranen kasar.