MDD ta yi watsi da bukatar biyan diyya ga iyalan wadanda cutar amai da gudawa ta kashe a Haiti

Majalisar Dinkin Duniya ta yi watsi da bukatar biyan diyya ga iyalan wadanda cutar amai da gudawa ta shafa a Haiti inda mutane akalla 8,000 suka mutu.

Sakatare Janar na Majalisar Dinkin Duniya, Ban Ki-moon REUTERS/Vincent Kessler

Sakataren Majalisar, Ban Ki-moon ya shedawa Shugaban Haiti, Michel Martelly game da wannan matsayi.

Wani bincike da aka gudanar ya nuna an samu barkewar annobar cutar ne ta hanyar wata magudanar ruwa da Majalisar Dinkin Duniya ta samar a kasar.