Mutuwar sarauniya Elizabeth ta 2 ta tilasta dakatar da wasanni a Ingila

Masu kula da gasar tseren doki a Ingila sun sanar da dakatar da ilahirin wasannin gasar sakamakon mutuwar Sarauniya Elizabeth ta 2, a yayinda wasan cricket da za a buga tsakanin Ingila da Afrika ta Kudu shi ma aka dakatar.

Ba kadai a Birtaniya kusan dukkanin al'umma a sassan Duniya na cike da alhinin mutuwar Sarauniya Elizabeth ta 2. AFP - LUDOVIC MARIN

Dukkannin wasanni tsere na Juma’ar nan da kuma wasannin Cricket na gasar Heyhoe Flint an soke biyo bayan mutuwar ta Queen Elizabeth ta 2 a yammacin jiya alhamis.

Haka zalika ba za a  yi wasannin gasar kwallon Golf na gasar PGA Championship da ke gudana a wannan Juma’a ba.

Hukumar gasar Firmiyar Ingila ma ta daktar da dukkannin wasannin da jadawali ya nuna za a buga su a wannan Juma’a.

Sarauniya Elizabeth na 2, wadda basarakiyar Birtaniya mafi dadewa a kan karaga, ta rasu tana da shekasru 96, bayan da ta shafe shekaru 70 tana mulki.