Matsanancin zafi ya sa an dakatar da wasannin Australian Open

An dakatar da wasannin da ake fafatawa a gasar Tennis ta Australian Open saboda matsanancin zafi inda maunin ya haura maki 43 na Celsius a yau Alhamis rana ta uku da zafin ya fi tsananta. Tun a ranar Talata masu shirya wasannin ke fuskantar suka saboda yadda suke tursasawa ‘yan wasa su fafata a cikin zafi.

Maria Sharapova tana gasa kanta da kankara saboda matsanancin zafi a lokacin da ta ke karawa da ta Karin Knapp a gasar Tennis ta Autralian Open REUTERS/David Gray

Masu shirya wasannin sun ce ko za’a dawo filin wasannin na Tennis sai da misalin karfe 5 na yamma.

A cikin zafin ne dai ‘Yar wasan Rasha Maria Sharapova ta sha da kyar a yau Alhamis a karwarta da Karin Knapp ta Italia. Idan an jima ne kuma Rafael Nadal na Spain ake sa ran zai fafata tsakanin shi da Thanasi Kokkinakis dan kasar Australia.