Kungiyar PSG ta lallasa Dijon da kwallaye 8-0
Dan wasa mafi tsada na duniya Neymar Jr ya zura kwalaye 4, a wasan gasar Ligue 1 na kasar Faransa da kungiyarsa ta PSG ta lallasa Dijon da kwallaye 8-0.
Wallafawa ranar:
Yayin wasan ne shi ma dan wasan gaba na kungiyar ta PSG Edinson Cavani, ya zura kwallo ta 156 da ya ci wa PSG, wadda ta bashi damar cinma tarihin da tsohon dan wasan kungiyar Zalatan Ibrahimovic ya kafa na zama wanda ya fi kowane ci mata kwallaye a tarihi.
Sauran ‘yan wasan da suka ci wa kungiyar ta PSG kwallaye sune, Angel Di Maria mai kwallaye 2, da kuma Kylian Mbappe da ya zura kwallo guda.
Har yanzu kungiyar PSG ba ta yi rashin nasara a gida ba cikin kakar wasa ta bana, kuma a halin yanzu tana matsayi na daya a teburin gasar Ligue 1 ta Faransa, inda ta bai wa kungiyar Lyon da ke biye da ita a matsayi na biyu maki 11.
LabaranSamun Labaran RFI, Hirarraki, Rubattattuun Labarai, Labarai game da wani, shirye-shirye.
Hulda da mu