Wasanni 40 ba a samu galabar Real Madrid ba
Real Madrid na ci gaba da samun galaba inda ta buga wasanni 40 ba a doke ta ba a kakar bana bayan ta sha da kyar a karawar da ta yi da Sevilla inda suka tashi ci 3-3 a gasar lashe kofin Sarkin Spain Copa del Ray.
Wallafawa ranar:
Madrid ta kai zagayen kwata fainal a gasar da jimillar kwallaye ci 6 da 3 bayan a karawa ta farko ta doke Sevilla ci 3 da 0.
Yanzu Real Madrid ta zarce tarihin da Barcelona ta kafa na buga wasanni 39 ba a samu galabarta ba a kakar 2012.
Sai dai kuma a ranar Lahadi Real Madrid za ta sake gwabzawa ne da Sevilla a La liga wasan da ake ganin zai yi zafi ganin Sevilla ke bi wa Real Madrid a saman Tebur da tazarar maki 4 tsakaninsu kodayake Madrid na da kwanten wasa.
Barcelona kuma na matsayi na uku ne tazarar maki guda tsakaninta da Sevilla.
A gobe ne Barcelona za ta karbi bakuncin Las Palmas kafin Sevilla da Madrid su kece raini a ranar lahadi.
LabaranSamun Labaran RFI, Hirarraki, Rubattattuun Labarai, Labarai game da wani, shirye-shirye.
Hulda da mu