Chile za ta hadu da Argentina a Copa America
Kasar Chile ta kai zagayen karshe a gasar Copa America bayan ta doke Colombia 2-0 a fafatawar da suka yi daren jiya Laraba. Yanzu kuma Chile za ta hadu ne da Argentina a wasan karshe, a ranar Lahadi.
Wallafawa ranar:
Chile da Argentina za su sake haduwa ne kamar yadda suka hadu a bara inda Chile ta lashe kofin.
An dai shafe kusan sa’o’I hudu kafin kammala wasan Chile da Colombia a jiya saboda tsawa da ruwan sama da aka yi samu a Chicago.
Ruwan saman ya sa ‘Yan kallo sun watse domin samun mafaka a rumfar filin wasan.
An dakatar da wasan na Kusan sa’o’I biyu da rabi kafin ‘yan wasan suka koma fili suka idar da wasan a cikin ruwa.
Sai dai an yi bige bige a wasan inda alkalin wasa ya ba da katin gargadi 8 da jan kati guda ga dan wasan Colombia.
LabaranSamun Labaran RFI, Hirarraki, Rubattattuun Labarai, Labarai game da wani, shirye-shirye.
Hulda da mu