Brazil ta nada Tite sabon koci

Brazil ta sallami kocinta Dunga tare da nada kocin kungiyar Corinthians Tite a matsayin sabon koci. Brazil ta kori Dunga ne bayan an yi waje da kasar a gasar Copa America tun a zagayen farko.

Kocin Kungiyar Corinthians Tite REUTERS/Paulo Whitaker

Yanzu kuma babban kalubalen da ke gaban sabon kocin shi ne sauya abubuwa a kungiyar domin wasannin Olympics da za a gudanar a birnin Rio de Janeiro a watan Agusta.

Tite dai sananne a Brazil domin ya horar da kungiyoyi a kasar da suka da hada da Gremio da Atletico Mineiro da Palmeiras, kafin ya koma Corinthians inda ya lashe wa kungiyar kofunan lig biyu.