Arsenal ta sha kashi a wasanta na farko

Arsenal ta sha kashi a wasanta na farko da aka buga a gidanta, inda West Ham ta lallasa ta ci 2 da nema a ranar lahadi.

Arsene Wenger a hannun dama, yana nadamar shan kashi a wani wasa da suka buga. REUTERS/Eddie Keogh

Manajan Arsenal Arsene Wenger, ya ce ya damu matuka a game da wannan kashi da suka sha a jiya, duk da cewa daga farko har zuwa karshe, ‘yan wasansa ne suka mamaye filin kwallo da kuma samun dama fiye da abokannin karawarsu na West Ham.
Shi kuwa manajan West Ham Slaven Bilic ya kasance a cikin farin ciki ne sakamakon wannan nasara, domin kuwa ita ce ta farko da ya sama daga lokacin da ya karbi aikin horas da ‘yan wasan.