Sony Open: Nadal ya tsallake zuwa Kwata Fainal
Rafeal Nadal ya bi sahun Novak Djokovic da Andy Murray da Roger Federer zuwa zagayen kwata Fainal a gasar Sony Open da ake gudanarwa a Maimi bayan ya doke Fabio Fognini na Italia. A zagaye na gaba Nadal zai hadu ne da Milos Raonic na Canada wanda ya doke Benjamin Becker ci 6-3 da 6.4.
Wallafawa ranar:
Roger Federer ya tsallake ne bayan ya doke Richard Gasquet na Faransa, yayin da Andy Murray mai rike da kofin gasar ya yi waje da Jo-Wilfried Tsonga na Faransa. Djokovi kuma ya doke Tommy Robredo ne na Spaniya ci 6-3 da ci 7-5.
A bangaren mata Serena Williams ta tsallake zuwa zagayen dab da na karshe a gasar Sony Open bayan ta doke Angelique Kerber ta Jamus ci 6-2 6-2 a kwata Fainal.
Yanzu kuma Serena Williams Jarumar Tennis din ta duniya zata hadu ne da abokiyar hammayrta Maria Sharapova, ta Rasha a zagayen dab da na karshe bayan Sharapova ta doke Petra Kvitova ta Jamhuriyyar Czech.
LabaranSamun Labaran RFI, Hirarraki, Rubattattuun Labarai, Labarai game da wani, shirye-shirye.
Hulda da mu