Mutane 58 suka mutu a gobarar London

’Yan Sandan Birtaniya sun sanar da cewa bisa dukkan alamu yanzu ana iya cewa mutane 58 ne suka gamu da ajalinsu sakamakon gobara da ta tashi a wani gidan bene dake London. 

Ginin Grenfell inda gobara da kashe mutane 58 REUTERS/Stefan Wermuth

Shugaban ‘Yan Sanda Stuart Cundy ya fadawa manema labarai cewa sun yi aiki sosai domin sanin adadin wadanda suka mutu a ginin da ake kira Grenfell tower amma kuma babu wani abinda za su iya karaswa yanzu bayaga cewa mutane 58 ne suka mutu.

Y ace jimillan wadanda suka jikkata kuma 30 ne, yayinda wadanda har yanzu ba’a gansu ba an sadakar da cewa sun mutu.