An kafa kwamitin tsige Rousseff ta Brazil

Majalisar dattawan Brazil ta kafa kwamitin aiwatar da tsige shugaban kasar Dilma Rouseff, wadda take zargin ‘yan adawanta da  yunkurin yi ma ta juyin mulki.

Shugaba Dilma Rousseff ta kasar Brazil REUTERS/Carlo Allegri

Majalisar wakilan kasar ta gabatar wa majalisar Dattijan da matsayin da ta dauka kan tsige Rousseff bayan ta yi zaman kada kuri'u a ranar 17 ga wannan wata na Aprilu, inda aka samu adadin abinda ake bukata na yunkurin tsigewar.

Ana zargin  shugara da laifin karya dokokin amfani da kudaden gwamnati.