Yau ake zaben shugaban kasar Geogia

A yau lahadi, al’ummar kasar Geogia ke gudanar da zaben shugaban karo, karo na 4 kenan tun bayan da kasar ta samu ‘yancin kanta daga tsohuwar tarayyar Soviett a shekarar 1991. A wannan karo dai shugaban kasar Mikheil Saakachvili da ake kallo a matsayin mai ra’ayin kasashen Yamma, ba zai tsaya takara ba, to sai dai duk haka ana ganin cewa rawar da zai taka na iya yin tasiri a game da wanda zai sami nasara a wannan zaben.