Aisha Bashir kan yadda daliban Najeriya ke jiran a kwashe su daga Sudan

Har yanzu daliban Najeriya na ci gaba da jiran tsammanin ganin an kwashe su daga Sudan, bayan da rundunonin soji masu rikici da juna suka sanar da tsagaita wuta da tsawon kwanaki uku, don baiwa jama’ar kasashen ketare damar ficewa daga kasar.

Wasu mazauna Sudan yayin kokarin ficewa daga kasar don gujewa fadan da ake gwabzawa tsakanin rundunonin dakarun kasar biyu. REUTERS - EL TAYEB SIDDIG

Guda daga cikin daliban Najeriya da ke Sudan din Aisha Bashir Ahmad ta shaida wa Rukayya Abba Kabara cewa har zuwa misalin karfe biyar na yammacin ranar Talata, motoci basu je sansanin jami’ar da suka taru don kwashe su ba.

Dalibar ta ce lamarin ya haddasa musu galabaita, saboda yunwa, da kishirwa ba ya ga fargaba.