Gobara ta kone dukiyar biliyoyin naira a kasuwannin Borno

Gobara ta lalata kayayyakin abinci na biliyoyin naira a shahararriyar kasuwar kayan marmari ta Gamboru da ke Maiduguri, sa’o’i bayan da wata gobarar ta yi barna a babbar kasuwar Biu da ke kudancin jihar Borno.

Wani sashi na babbar kasuwar garin Gamborou a jihar Borno da gobara ta kone. © RFI Hausa/Bilyaminu Yusuf

Iftila'in na baya bayan nan ya auku ne a yayin da mutane ke tsaka da kada kuri’a a zaben gwamnoni da na ‘yan majalisu a ranar Asabar.

Wakilinmu Bilyaminu yusuf ya ziyarci kasuwannin kuma ga rahoton da ya hada mana.