Henry Kissinger, jami'in diflomasiyyar Amurka ya mutu yana da shekaru 100

Henry Kissinger, jami'in diflomasiyyar Amurka mai kishin kasa, wanda ya taimaka ta fuskar kare martabar Amurka da kuma taimaka wajen daidaita duniya bayan yakin duniya na biyu, ya mutu ranar Laraba, ya na mai shekaru 100.

Henry A. Kissinger AP - Michel Lipchitz

Kissinger,ya mutu a gidansa da ke Connecticut, labarin da kamfaninsa mai suna Kissinger Associates ya sanar ,za a gudanar da  jana'izar sa cikin sirri tare da wani taron tunawa da za a yi a baya a New York, inda Kissinger ya girma bayan danginsa Bayahude sun gudu daga Jamus na Nazi.

Sanarwar ba ta bayar da dalilin mutuwar ba. Kissinger ya kasance mai himma tun yana dan shekara dari, inda ya je kasar China a watan Yuli don ganawa da shugaba Xi Jinping.

Kissinger jami'in diflomasiyyar Amurka File - This Oct. 17, 2013, file photo, shows former U.S. Secretary of State Henry Kissinger as he attends the Alfred E. Smith Memorial Foundation Dinner in New York. New York-Presbyterian Hospital in Manhattan, where Kissinger has undergone an aortic valve replacement procedure, released a statement saying the 91-year-old ex-diplomat was "resting comfortably" following the procedure on Tuesday, July 15, 2014. (AP Photo/Jason DeCrow, File) AP - Jason DeCrow

Kasar China ta kasance daya daga cikin mafi dawwamammen abubuwan gado na Kissinger.

Tarihi ya nuna cewa a lokaci  cacar-baka da Tarayyar Soviet, Kissinger ya isa birnin Beijing a asirce, inda ya kai ziyara mai tarihi a shekarar 1972 da shugaban kasar Richard Nixon ya kai, daga baya kuma Amurka ta kulla alaka da wannan kasa.

Kissinger na daya daga cikin mutanen da aka raina a yawancin kasashen duniya, ma'aikatar harkokin wajen kasar China a ranar Alhamis ta bayyana marigayi jami'in diflomasiyyar Amurka a matsayin "tsoho kuma aminin jama'ar China."

Henry Kissinger, da Shugaban kasar China VIA REUTERS - CHINA DAILY

Kissinger ya dade yana nuna damuwa da goyon bayan bunkasuwar dangantakar dake tsakanin China da Amurka, yana ziyartar kasar China fiye da sau dari, tare da ba da gudummawar tarihi don inganta dangantakar dake tsakanin China da Amurka," in ji kakakin ma'aikatar harkokin wajen kasar Wang Wenbin.

Fumio Kishida, Firaministan kasar Japan da ke kawance da Amurka, ya yabawa Kissinger saboda "gaggarumar gudumawar da ya bayar" wajen samar da zaman lafiya da kwanciyar hankali a Asiya, "ciki har da daidaita huldar diflomasiyya tsakanin Amurka da China."

Vietnam War Summit Former Secretary of State and former National Security Advisor Henry Kissinger speaks at the Vietnam War Summit at the LBJ Presidential Library in Austin, Texas, Tuesday, April 26, 2016. (AP Photo/Nick Ut) AP - Nick Ut

"Amurka ta rasa daya daga cikin masu dogaro da kai da kuma bayyana ra'ayoyinsu kan harkokin kasashen waje sakamakon rasuwar Henry Kissinger," in ji tsohon shugaban kasar George W. Bush dan jam'iyyar Republican a cikin wata sanarwa.

An bai wa Kissinger lambar yabo ta zaman lafiya ta Nobel kan shawarwarin kawo karshen yakin Vietnam, duk da cewa rikicin bai kare ba nan take kuma takwaransa na Arewacin Vietnam, Le Duc Tho, ya ki karbar kyautar.