Akwatin gawar Sarauniya Elizabeth ya isa Edinburgh

Akwatin gawar Sarauniya ya isa Edinburgh, bayan tafiyar sa'o'i shida, yayin da dubban mutane suka yi dafifin yi mata bankwana a Royal Mile da ke birnin.

Marigayiya Elizabeth ta biyu © AP - Danny Lawson

Tawagar da ta dauko akwatin gawar ta yi tafiyar sa'o'i shida daga fadar Balmoral, inda za ta yi kwanaki biyu a fadar Holyroodhouse.

A ranar Talata ne za a kai akwatin gawar zuwa Landan, kuma Sarauniyar za ta kwana a Westminster daga ranar Laraba.

Za a yi jana'izar Sarauniyar a Westminster Abbey ranar Litinin 19 ga Satumba, kuma ranar za ta kasance ranar hutu a fadin Birtaniya.