Fasahar 5G na yin illa ga jirgin sama- Masana
Hukumar Kula da Sufurin Jiragen sama ta Faransa ta bayyana cewar hanyar sadarwar 5G na yi wa sufurin jiragen sama illa, inda ta bukaci fasinjoji da su rika kashe wayoyin hannunsu a yayin tafiya a cikin jiragen.
Wallafawa ranar:
Mai magana da yawun hukumar ya ce amfani da wayoyin salular da ke dauke da hanyar sadarwar 5G na shafar tafiyar jiragen sama lokacin da jiragen ke sararin samaniya.
Sanarwar ta yi gargadin cewar, tiririn da ke fitowa daga wayoyin na shafar ayyukan jiragen kuma haka na iya haifar da babbar matsala, saboda haka ya dace a kauce wa amfani da wayoyin a lokacin tafiye-tafiye a sararin samaniya.
Har yanzu ana ci gaba da cece-kuce kan illar da fasahar ta 5G ke da ita, inda ko a bara aka rika yayata cewa, fasahar ce ta haifar da annobar coronavirus, amma tuni masana kimiya suka musanta wannan ikirari.
LabaranSamun Labaran RFI, Hirarraki, Rubattattuun Labarai, Labarai game da wani, shirye-shirye.
Hulda da mu