Coronavirus ta haddasa hasarar dala triliyan 1.3 a fannin yawon bude ido

Wani rahoton hukumar kula da yawon bude ido a duniya ya nuna cewar sashin ya fuskanci koma bayan da ba a taba ganin irinsa ba, saboda tasirin annobar Coronavirus.

Wurin shakatawa da yawon bude idanu na piazzale Michelangelo a kasar Italiya, yayin aikin dokar kulle don yakar annobar Coronavirus © Jennifer Lorenzini / REUTERS

Rahoton ya ce sashin yawon bude idanun na duniya ya tafka hasarar kudaden da yawansu ya kai akalla dala triliyan da biliyan 300 a shekarar 2020.

Takaita zirga-zirga ko tafiye tafiye a matsayin matakan yaki da annobar coronavirus, na daga cikin matsalolin da suka janyowa sahin yawon bude idanun koma baya.

Kididdiga dai ta nuna cewa asarar da aka tafka a a shekarar ta 2020, ta rubanya wadda aka gani a 2009, lokacin da tattalin arzikin duniya ya durkushe.