Shekaru 2010 da 2020 na a matsayin mafi fuskantar yanayin zafi a tarihin Duniya

Majalisar Dinkin Duniya ta bayyana shekarar 2010 zuwa 2020 a matsayin mafi fuskantar yanayin zafi a tarihin Duniya, abinda ke dada nuna yadda sauyin yanayi ke shafar bil adama.

Wani yanki da sauyin yanayi ya haifar da canji Getty Images

Hukumar dake kula da yanayi ta Majalisar ta bayyana yanayin zafi a wannan shekaran a matsayin wanda ya haura sama da maki guda a ma’aunin Celsius, sabanin abinda aka gani tsakanin shekarar 1850 zuwa 1900.

Wannan adadin ya sa Majalisar ta sanya shekarar 2019 a matsayin daya daga cikin shekaru 3 mafi fuskantar yanayin zafi da aka gani a Duniya.