Jirgin fasinja yayi saukar gaggawa a Dubai
Wani jirgin saman Emirates mai dauke da fasinjoji 300 yayi saukar gaggawa a filin sauka da tashin jiragen sama dake Dubai.
Wallafawa ranar: Chanzawa ranar:
Rahotanni sun ce jirgin yayi saukar gaggawar ba tare da tayoyinsa sun fito ba, kuma an ga jirgin yana fitar da bakin hayaki kafin kaiwa ga kasa.
Dukkanin fasinjoji 300 dake cikin jirgin sun tsira da rayukansu, sai dai wani jami’in kashe gobara ya rasa ransa yayin kokarin aikin ceto.
Shugaban kamfanin na Emirates ya bayyana jimami kan mutuwar jami’in kashe gobarar.
Jirgin saman kirar Boeing 777 yana kan hanyarsa daga Dubai zuwa jihar Kerala dake kudancin kasar India yayin da ya sauya akalarsa.
Yanzu haka zirga zirgar jiragen sama ta cigaba da gudana a filin jiragen na Dubai bayan dakatar da hakan da aka yi na dan takaitaccen lokaci a baya.
LabaranSamun Labaran RFI, Hirarraki, Rubattattuun Labarai, Labarai game da wani, shirye-shirye.
Hulda da mu