Amurka za ta bar dakaru 8,400 a Afghanistan a 2017

Shugaba Barack Obama ya ce sojojin Amurka dubu 8 da 400 za su ci gaba da kasancewa a Afhganistan har zuwa shekara ta 2017 sabanin dubu 5 da 500 kamar yadda Amurkan ta sanar da farko.

Shugaba Obama Amurka REUTERS/Jonathan Ernst

Duk da cewa Obama ya yi alkawarin janye illahirin sojojin kasar daga Afghanistan a karshen 2014, to sai dai ga alamu ya canza matsayi saboda dalilai na tsaro.

Yanzu haka dai kungiyar Taliban na ci gaba da fadada hare-harenta a cikin kasar ta Afghanistan, wata alama da ke kara nuni da raunin da dakarun kasar ke da shi domin tabbatar da tsaro matukar dai Amurka ta janye.