Obama zai rage yawan dakarun Amurka

Shugaban kasar Amurka Barack Obama ya bayyana fito da wani shiri da zai rage yawan dakarun kasar a Nahiyar Turai domin zabtare kudaden da ake kashewa a fannin tsaro tare da mayar da hankali wajen samar da tsaro a yankin Asiya. 

Shugaban kasar Amurka Barack Obama AFP

Lokacin da shugaban ke ganawa da manema labarai a Pentagon, yace Amurka zata ci gaba da kasancewa a kan gaba wajen karfin soji a duniya.

Mista Obama ya ce Amurka zata karfafa matsayinta a yankin Asiya da Pacific, tare da zuba jari a muhimman bangarorin da ta kulla kawance dasu, ciki har da kungiyar tsaro ta NATO.