Taliban ta rushe hukumar zaben kasar Afghanistan

Kungiyar Taliban ta rusa hukumar zaben kasar Afganistan, wadda ta shirya tare da sa ido kan zabukan da suka gudana a zamanin gwamnatin da ta gabata, wadda kasashen yammacin Turai ke marawa baya.

Ministan harkokin wajen Afghanistan a karkashin gwamnatin Taliban. AP - Muhammad Farooq

Yayin sanar da matakin a jiya Asabar, kakakin gwamnatin Taliban Bilal Karimi ya ce, a halin yanzu babu bukatar ci gaba da wanzuwar hukumar zaben Afghanistan tare da wasu makamantanta, wato hukumar da ke karbar korafe korafen zabe mai zaman kanta ta kasar.

A watan Agustan da ya gabata kungiyar Taliban ta sake mamaye madafun ikon kasar a daidai lokacin da Amurka ta fara janye dakarunta da suka shafe shekaru 20 sun yaki da Taliban da kuma ‘yan ta’adda na kungiyar IS.