kungiyar Taliban ta nada sabon shugaba

Kungiyar Taliban a kasar Afghanistan ta sanar da nadin Mawlawi Haibatullah Akhundzada a matsayin sabon shugabanta bayan  tabbatar da mutuwar Mullah Akhtar Mansour shugaban kungiyar sakamakon harin da jiragen yakin Amurka da babu matuki sukayi dan tsakanin nan.

Mayakan kungiyar Taliban AFP PHOTO / Noorullah Shirzada

Mawlawi Haibatullah Akhundzada, dai malami ne da ya jagoranci bangaren shari’ar kungiyar  a baya kuma yana daya daga cikin manyan shugabanin kungiyar kafin nada shi yau a matsayin sabon shugaban kungiyar ta Taliban da ya maye gurbin Mullah Akhtar.

Hakazalika sanarwa da kungiyar ta bayar na cewa an nada wasu mutum 2 dasu zama sabbin mataimakan sabon shugaban wato Sirajuddin Haqqani da Mullah Yakubu.