Isra'ila na ci gaba da gina gidaje a yankunan Falesdinawa

Kungiyar wanzar da zaman lafiya dake sa ido kan halin da ake ciki a Isra’ila da ake kira ‘’Peace Now’’ tace gwamnatin kasar ta fara gina gidajen yan kama wuri zauna 1,800 a Gabar Yamma da kogin Jordan.Kungiyar tace adadin gidajen zai kai 3,100 da Israila ta gina a Yankunan Falasdinawa a shekarar 2014. 

Wasu filayen da Isra'ila ta karbe daga Falesdinu

Kungiyar tace yanzu haka Yahudawa 380,000 ke zama a Yankunan Falasdinawa dake Gabar Yamma da kogin Jordan yayin da wasu 200,000 ke zama a Gabashin Birnin Kudus.
Isra'ila na ci gaba da keta yarjejeniyoyin ,dama tursasawa Falesdinawa duk da yake kasashen Duniya na fatar ganin an kawo karshen rikicin tsakanin Isra'ila da Falesdinu.