Jagoran masu zanga-zanga a Thailand ya ce ba za su ja da baya ba

Jagoran ‘yan adawar kasar Thailand Suthep Thaugsuban, ya yi fatali da sammacin kama shi da wata kotun kasar ta fitar a jiya, yana mai cewa ba za a dakatar da tarzomar da ake yi a kasar ba sai zuwa lokacin da Fira minista Yungluck Shinawatra ta yi marabus daga mukaminta.

Masu zanga-zanga a Thailand REUTERS/Athit Perawongmetha

To sai dai zuwa safiyar yau, masu zanga-zangar sun janye daga harabar ginin ofishin Fira ministar, bayan da suka share tsawon kwanaki biyu a zaune.