An bayar da sammacin kama shugaban 'yan adawar Thailand karo na biyu

Kotu a kasar Thailand ta bayar da sammaci kama shugaban masu zanga-zangar nuna kyamar gwamnati da ake gudanarwa a kasar, bisa zargin cewa yana neman tumbuke zababbiyar gwamnatin dimokuradiyyar ta Fira minista Yingluck Shinawatra ne.

Masu zanga-zanga a kasar Thailand

An dai bayyana cewa tasirin iyalan Gidan Shinawatra a fagen siyasar kasar ta Thailand ne ya haifar da tarzomar da ake fama da ita a kasar a wannan lokaci.

Yanzu haka dai masu zanga-zangar dai na ci gaba da kone-kone a kan titunan birnin Bangkok, yayin da jami'an tsaro ke kokarin tarwatsa su.