An tsawaita dokar ta baci da aka sanya a yankunan Burkina-Faso

Burkina Faso, kasar da ke fama da matsalar ‘yan ta’adda masu ikirarin jihadi ta sanar da tsawaita dokar-ta-baci da da ta kakaba a kan yankuna 13 na kasar da karin watanni 6 tun a daga karshen watan Maris.

Taswirar Burkina Faso da ke fama dfa rikicin 'yan ta'adda masu ikirarin jihadi. © RFI

Minstar shari’ar kasar,  Bibata Nebie Ouedraogo ta ce gwamnati ta dau wannan mataki ne don jaddada nasararta a yakin da take da ta’addanci.

Gwamnatin kasar ta sanya dokar ta baci a yankunan da da rikicin ta’addanci ya fi shafa  ne tun a watan Maris na shekarar da ta gabata.

Burina Faso, wadda sojoji suka kwace ragamar mulkinta a shekarar 2022 tana fama da matsalar ‘yan ta’addda masu ikirarin jihadi da ke shiga kasar daga Mali tun daga shekarar 2015.