Dan sandan Tunisiya ya kashe masu ibadar Yahudawa da jami'an tsaro

Akalla masu Ibadan shekara shekara na yahudawa biyu da ‘yan sanda biyu aka kashe a wata shahararriyar mujami'ar kasar Tunisiya a ranar Talata a wani hari da wani dan sanda ya kai.

Mujami'ar ibadan shekara-shekara ta Yahudawa a Ghriba dake Djerba na kasar Tunisiya 15/05/2006 AP - HASSENE DRIDI

Ma'aikatar harkokin cikin gidan Tunisiya ta ce wasu mutane hudu da suka ziyarci mujami'ar Ghriba da ke tsibirin Djerba tare da wasu jami'an tsaro biyar sun jikkata a harin kafin a kashe maharin.

Mujami'ar ibadan shekara-shekara ta Yahudawa a Ghriba dake Djerba na kasar Tunisiya 9/05/2002 AP - HASSENE DRIDI

A cikin wata sanarwa da ma'aikatar harkokin wajen Tunisiya ta fitar ta bayyana masu Ibadan biyu da aka kashe amatsayin daya dan kasar Tunusiya ne mai shekaru 30 da kuma Ba-Faranshe mai shekaru 42, sai dai ba a bayyana sunayensu ba.

An kai harin ne bayan da maharin ya fara harbin wani abokin aikinsa tare da daukar harsashi kamar yadda ma'aikatar harkokin cikin gidan kasar ta sanar.