Za mu daure duk wanda ya yi wa Ghana mummunan hasashe - 'Yan Sanda

Rundunar ‘yan sandan Ghana ta gargadi malaman addini da su kiyayi furta hasasshen aukuwar munanan al’amura a kasar, yayin da suke aikewa da sakwannin sabuwar shekara, idan kuma ba haka ba za su fuskanci hukuncin dauri na shekaru akalla biyar.

Wasu jami'an 'yan sandan kasar Ghana a birnin Accra. AP - Sunday Alamba

Jami’an tsaron sun ce, hasashen da wasu jagororin addini ke yi a Ghana, ya shafe shekaru da dama yana haifar da fargaba da kuma sanya rayukan ‘yan kasar cikin hatsari.

‘Yan sandan na Ghana ta bayyana hakan ne a cikin wata sanarwa da ta fitar a ranar Litinin.

Sanarwar ta kara da cewar matakin sa ido kan jagororin addinin b aya nufin hukumomin tsaron Ghana suna adawa ne da bayyana hasashen aukuwar abubuwa a. kasar, illa kawai ba za su lamunci tayar da hankula ko kuma firgita jama’a ba.