Jaririya ta kafa tarihin warkewa daga cutar Ebola
Wata jaririya mai wata guda da rabi a duniya, ta kafa tarihin zama mafi kankantar wadda ta harbu da Ebola ta kuma warke daga cutar a Jamhuriyar Congo.
Wallafawa ranar:
Kakakin ma’aikatar lafiyar kasar Jessica Ilunga, ta ce jaririyar mai suna Benedicte ta kamu da cutar ta Ebola ce daga mahaifiyarta, wadda ta rasu yayin haihuwarta ta, itama a dalilin kamuwa da cutar ta Ebola.
Tun daga lokacin ne aka dora jaririyar kan kulawar likitoci babu kakkautawa, kuma a cewar ma’aikatar lafiyar yanzu haka tana tare da mahaifinta da sauran iyalai.
Zuwa yanzu dai, sama da mutane 300 suka rasa rayukansu a dalilin cutar Ebola da ta sake bulla a Jamhuriyar Congo cikin watan Agustan wannan shekara.
LabaranSamun Labaran RFI, Hirarraki, Rubattattuun Labarai, Labarai game da wani, shirye-shirye.
Hulda da mu