An gano wata ‘Yar Chibok a Dajin Sambisa
Amina Ali na daga cikin ‘Yan Matan Chibok 219 da aka sace kuma a jiya Talata ne ‘Yan kato da gora da ke taimakawa Sojin Najeriya suka kubutar da ita daga Dajin Sambisa tare da gabatar da ita ga iyayenta a garin Mbalala kusa da Chibok.
Wallafawa ranar: Chanzawa ranar:
A cikin wata sanarwa, Kanal Usman Kukasheka ya tabbatar da kubutar da dalibar ta makarantar Chibok.
An gabatar da Amina mai shekaru 17 ga iyayenta kafin daga bisani aka tafi ta da ita zuwa sansanin Soji a Damboa.
A ranar 14 ga watan Afrlu ne ‘Yan Boko Haram suka abka Makarantar sakandaren garin Chibok suka yi awon gaba da dalibai mata 276. Amma daga baya wasu 57 daga cikin ‘Yan matan sun tsere daga hannun mayakan.
Zuwa yanzu gwamnatin Najeriya ba ta ce komi ba game da kubutar da Amina.
LabaranSamun Labaran RFI, Hirarraki, Rubattattuun Labarai, Labarai game da wani, shirye-shirye.
Hulda da mu