MDD ta yaba da zaben Afrika ta Tsakiya

Majalisar dinkin duniya ta bayyana zaben shugaban kasar Jamhuriyar Afirka ta Tsakiya a matsayin wanda ya samu nasara ganin yadda aka gudanar da shi cikin kwanciyar hankali.

Sakatare Janar na Majalisar dinuniya Ban Ki-moon REUTERS/Lucas Jackson

Rahotanni daga sassan kasar sun nuna cewar an gudanar da zabukan ba tare da samun tashin tashina ba a kasar da ta yi fama da rikicin addini da kabilanci na shekaru 3.

Dakarun Majalisar dinkin duniya 11,000 suka sa ido kan yadda aka gudanar da zaben.