Rafini ya samu amincewar majalisar Nijar

Firaministan kasar Nijar Brigi Rafini, ya samu amincewar Majalisar Dokokin kasar domin ya ci gaba da rike mukaminsa, bayan da ‘yan Majalisar suka jefa kuri’a dangane da hakan a cikin daren jiya.

Mahamadou Issoufou, shugaban kasar Nijar France 24

Firaministan da ya samu kuri’u 70, yayin da sauran ‘yan Majalisa 47 suka nuna rashin amincewarsu da barin sa domin ci gaba da rike wannan matsayi.

Hakan dai ya zo ne wata daya bayan rugujewar kawancen jam’iyyun siyasar da ya dora Birgi Rafini akan karagar mulkin kasar ta Nijar sakamakon bambancin ra’ayi a tsakanin jam’iyyun siyasar kasar.