Ambaliya ta yi barna a Nijar

Mutane Takwas aka ruwaito sun mutu sakamakon ambaliyar ruwa a garin Maradi da Agadez da Damagaram a Jamhuriyyar Nijar. Mahukuntan kasar sun ce cikin wadanda suka mutu akwai yara kanana guda bakwai yayin da mutane kusan 2,000 suka rasa matsuguninsu.

An samu ambaliyar ruwa a garin Agadez a Nijar Raliou Hamed-Assaleh

Rahotanni sun ce matsalar tafi kamari a Maradi, inda mutane suka samu mafaka a makarantu.

Gidan Rediyon amfani ya ruwaito cewa akwai yara ‘Yan mata guda biyu da suka mutu a garin Damagaran, yayin da kuma a garin Agadez aka samu wata yarinya mai shekaru biyar da ta mutu bayan gini ya rubta da ita sakamakon ambaliyar.