Matsalar tsaro a Najeriya barazana ce ga kasashen Afrika, inji shugaban Ghana

A lokacin da ya kawo ziyara kasar Faransa, Shugaban kasar Ghana John Dramani Mahama yace mastalar tsaro a Najeriya barazana ce ga kasar Ghana, yana mai bayyana fatar gwamnatin Najeriya za ta dauki matakan magance matsalar kafin ta shafi sauran kasashen da ke makwabtaka da ita.

Shugaban kasar Ghana John Dramani Mahama a lokacin da yake zantawa da sashen Turanci na RFI DR

“Matsalar tsaro barazana ce ga Ghana, domin Najeriya babbar kasar ce a yammacin Afrika ta fannoni da dama” a cewar shugaba Mahama.

Bayan ganawa da shugaba François Hollande, Mista Mahama ya jinjinawa gudunmuwar da Faransa ke ci gaba da bayar wa a rikicin arewacin Mali.

Shugaban na Ghana yace matsalar mayaka babbar barazana ce ga kasashen yammacin Afrika.