Djokovic da Serena sun lashe Wimbledon

Novak Djokovic ya sake lashe kofin Wimbledon a bana bayan ya doke Roger Federer a wasan karshe da suka fafata a jiya Lahadi. A bangaren Mata Serena Williams ce ta lashe kofin bayan ta doke Garbine Muguruza ta Sifaniya.

Wannan ne kofi na uku da Djokovic ya lashe a Wimbledon cikin shekaru 5. REUTERS/Stefan Wermuth

Djokovic ya lashe kofin ne a dai dai lokacin da ya ke bikin cika shekara da aurensa, inda a bara a rana irin ta jiya ya yi bikin aurensa da Jelena Ristic.

Wannan ne kofi na uku da Djokovic ya lashe a Wimbledon cikin shekaru 5.

Serena Williams ta lashe kofin Wimbledon bayan ta doke Muguruza.

Kofi na shida ke nan da Serena ta lashe a Wimbledon kuma karo na 21 ne da ‘yar wasan ta Amurka ke lashe Grand Slam, manyan gasannin Tennis na duniya.