Nadal ya musanta cewa ba zai buga Gasar Indiana Wells ba

An sami rahotanni masu karo da juna akan dan wasan Tennis Rafael Nadal inda a yanzu haka dan wasan ya fito ya musanta rahotan da ke nuna cewa ba zai samu damar buga gasar Masters Series a Indiana Wells da Miami ba a wata mai zuwa.

Rafael Nadal REUTERS/Toby Melville

A da rahotanni sun nuna cewa Nadal ya janye daga gasar domin yana shirin fafatawa a gasar French Cup da za a yi a watan Mayu mai zuwa.

Sai dai Nadal ya ce shi burinshi shine ya kasance a gasar ta Indiana Wells, sai dai ya bayyana cewa idan har ya ji wasan bai kwanta mai a rai ba, dole ne ya janye.