Bayern Munich ta yi rashin nasara 3 a jere cikin kwanaki 9
Bayern Munich ta yi rashin nasara a wasanni 3 a jere a cikin kwanaki 9, bayan da ta sha kashi a hannun Bochum da ci 3 da 2 a Lahadi.
Wallafawa ranar:
Bayern ce ta fara cin kwallo ta hannun Jamal Musiala ,kafin a dakatar da wasan har sau biyu sakamakon zanga-zangar magoya baya.
Bochum ta ci kwallaye biyun ta daga Takuma Asano da Keven Schlotterbeck.
Kevin Stoger ya ci kwallo daga bugun-daga-kai-sai-mai tsaron raga bayan da dan wasan baya na Bayern Munich Dayot Upamecano ya yi rafka a da’ira ta 18, aka ba shi jan kati.
Wasa ya yi zafi, kuma duk da kwallon da kyaftin din Ingila, Harry Kane ya ci, wadda ita ce kwallonsa ta 25 a Budes Liga, Bayern ta gaza farkewa ballantana ta yi nasara.
Yanzu Bayer Leverkusen ta bai wa Bayern Munich, a karkashin mai horarwa, Thomas Tuchel tazarar maki 8 a teburin Bundes Liga.
LabaranSamun Labaran RFI, Hirarraki, Rubattattuun Labarai, Labarai game da wani, shirye-shirye.
Hulda da mu