PSG ta buga canjaras 1-1 da Lille a gasar Ligue 1 ta Faransa
An tashi kunnen doki a wasa tsakanin Lille da PSG a gasar Ligue 1 ta Faransa, inda a kusan karshen wasan ne Lille ta farke kwallo daya da PSG ta makala mata a raga.
Wallafawa ranar:
Kylian Mbappe ne ya ci wa PSG kwallo daga bugun daga-kai-sai-mai-tsaron raga, abin da ya sa ake ganin kungiyar tasa na daf da bada tazarar maki bakwai a saman teburin gasar ta Ligue 1.
Amma dan wasan Lille Jonathan David ya ci wata kwallo da kai, wasa ya koma 1 da 1.
PSG na da maki 37, kuma tana kokarin lashe gasar Ligue 1 na 10 a cikin kaka 12, inda ta bai wa mai bi da ita, Nice tazarar maki 5, a yayin da Monaco ke da maki 30 a matsayi na 3.
Duk da wannan abin takaici da ya faru, tawagar ta Luiz Enrique ta ci gaba da kasancewa a matsayin da ta shigo makon da shi, wato matsayi na daya.
Monaco ta sha kashi a hannun Lyon da ci daya mai ban haushi a Juma’a, kana Le Havre ta lallasa Nice, wadda ke matsayi na biyu a gasar da ci 3 da 1 a ranar Asabar.
LabaranSamun Labaran RFI, Hirarraki, Rubattattuun Labarai, Labarai game da wani, shirye-shirye.
Hulda da mu