Kwallon tennis: Djokovic ya fara gasar da gagarumar Nasara
Lamba daya duniya a fannin wasan kwallon Tennis, Novak Djokovic ya fara wasan kare kambunsa a gasar French Open da gagarumar nasara a kan dan kasar Japan, Yoshihito Nishioka.
Wallafawa ranar:
Djokovic dan kasar Serbia ya yi nasara a wasan ne da ci 6-3 6-1 6-0 a da’irar wasan tennis ta Court Philippe Chatrier.
Wannan ce babbar gasar Djokovic ta farko tun bayan da hukumomin Australiya suka tisa keyarsa gida gabanin gasar Australian Open a watan Janairu, bayan da ya ki amincewa da allurar rigakafin cutar COVID 19, lamarin da ya sa ya rasa damar kare kambunsa a gasar.
Tun da farko, shahararren dan kwallon tennis, Rafael Nadal ya lallasa Jordan Thompson da ci 6-2 6-2 6-2.
A wasansa na gaba, Djokovic zai hadu ne da dan kasar Argentina Federico Coria ko kuma dan kasar Slovakia Alex Molcan, wanda ke samun horo daga koci, Marian Vajda, wanda ya taba horar da Djokovic.
LabaranSamun Labaran RFI, Hirarraki, Rubattattuun Labarai, Labarai game da wani, shirye-shirye.
Hulda da mu