Madrid ta haye wasan daf da na karshe a gasar zakarun Turai

Real Madrid ta kawo karshen Chelsea mai rike da kambin gasar zakarun Turai, duk da da ta yi a kanta da 3-2 a daren jiya a Santiago Bernabeu, ta kuma haye wasan semi-final.

Karim Benzema dan kasar Faransa lokacin da ya ci kwallo tare da Real Madrid a karawar da suka yi da Chelsea, ranar 12 ga watan Afrilu, 2022, a gasar zakarun Turai. Action Images via Reuters - PAUL CHILDS

Chelsea taga ta leko ta koma a jiyan duk da kwallaye uku da ta taci ta hannun Mason Mount da Antonio Rudiger da kuma Timo Werner.

Kwallo da Karim Benzema ya zura a karin lokaci ya fitarwa Real Madrid kitse a wuta, bayan wanda Rodrygo ya zura a mintuna ta 80.

Yanzu haka Dan wasan na Faransa Karim Benzema ya zura kwallo hudu kenan a ragar Chelsea a haduwa biyun da suka yi na wasan daf da na kusa na karshe.

Karim Benzema,Dan wasan real madrid REUTERS - SUSANA VERA

A wasan farko da suka buga ranar 6 ga watan Afirilu, Real Madrid ce ta yi nasara da ci 3-1 a fafatawar da suka yi a Stamford Bridge.