Messi ya ciwa PSG kwallo na uku a gasar zakarun Turai

Lionel Messi ya ci wa Paris St-Germain kwallaye biyu a karawar da ta doke RB Leipzig da ci 3-2 a gasar zakarun Turai ranar Talata.

Lionel Messi yayin murnar zura kwallo a gasar cin kofin zakarun Turai tare da Paris Saint-Germain 19/10/21. FRANCK FIFE AFP

Kylian Mbappe ne ya fara ci wa PSG kwallo, Sai dai Andre Silva ya farke kwallon, sannan Nordi Mukiele ya kara na biyu, inda kungiyar ta Jamus ta shiga gaba. Daga bisani Messi ya farke wa PSG, sannan ya ya kara na uku a bugun fenariti.

PSG ta sake samun wani bugun finaretin ana daf da tashi wasa, amma sai Mbappe ya barar.

Messi ya yi wasa 123 a Champions League

Kawo yanzu Messi ya ci kwallo uku a PSG a Champions League, tun bayan da ya koma kungiyar, wanda ya ci daya a wasan da suka doke Manchester City 2-0. Kuma jummular kwallaye 123 Messi ya ci a gasar Zakarun Turai, kuma 120 ya zura su ne lokacin da yake wasa a tsohuwar kungiyarsa Barcelona.

Kyaftin din Argentina ya zama dan wasa na hudu da ya zura kwallo a wasa biyu a jere a PSG bayan Neymar da Alex da kuma George Weah.

Neymar bai buga wasa ba

Neymar bai buga wa PSG wasa ba, saboda rauni da ya samu yayin wasa da tawagar Brazil a wasan neman gurbin shiga gasar kofin duniya.