Ronaldo ya rusa tarihin Platini a gasar cin kofin Turai

Cristiano Ronaldo ya zama dan wasan da ya fi kowa zira kwallaye a tarihin gasar cin kofin Turai yayin da Portugal ta doke Hungary da ci 3-0 a gaban magoya baya sama da dubu 60 a Budapest, yayin fafatawar da sukayi a ranar Talata.

Dan wasan Fotigal da Jeventus Cristiano Ronaldo yayin da yake nasarar cin kwallaye biyu a gasar Euro 2020 bayan nasara kan Hungary da 3 da 0, ranar 15 ga watan Yuni 2021 Alex Pantling POOL/AFP

A mintuna na 87 Ronaldo ya ci kwallon farko a bugun fanareti, wanda kuma shine na 10 a gasar, inda ya zarta Michel Platini na kasar Faransa dake da tarihin kwallaye tara a gasar ta Turai.

Tsohon dan wasan Faransa Michel Platini, 11 ga watan Yuni shekarar 2014 AFP/Archives

Sai kuma ana daf da Karkare wasa, wato a mintuna na 90, yayi lale daf da mai tsaron ragar Hungary Peter Gulacsi, ya ciwa Portugal kwallonta na uku a wasan, wato kwallon sa na biyu, kuma na 11 a gasar.

Dan wasan Fotigal da Jeventus Cristiano Ronaldo yayin da yake nasarar cin kwallaye biyu a gasar Euro 2020 bayan nasara kan Hungary da 3 da 0, ranar 15 ga watan Yuni 2021 Alex Pantling POOL/AFP

Hungary ta yi kokarin ganin an tashi kunnen doki tsakaninta da mai rike da kambun, amma hakar ta bata cimma ruwa ba, akayi mata ruwan kwallaye har uku ana daf da Karkare wasa.