Messi ya ci kwallo sau uku a wasa 1 karo na 50
Dan wasan gaba na Barcelona Lionel Messi ya samu nasarar cin kwallaye uku cikin wasa daya karo na 50, a tarihinsa na murza leda, abinda ake kira da hat-trick.
Wallafawa ranar:
Messi ya samu nasarar ce a wasan gasar La Liga da suka lallasa Sevilla da kwallaye 4-2.
A zagayen farko na wasan Sevilla ce ta jagoranci Barcelona da kwallaye 2-1, kafin daga bisani Messi ya rama tare da karin guda biyu.
A jimalace Messi ya jefawa Sevilla kwallaye 36 kenan a wasanni 35 da suka fafata tsakaninsu da Barcelona a matakin gasar La Liga, Copa del Rey, da sauran wasannin da suka taba haduwa.
A yanzu Barcelona ke jagorantar gasar La Liga da maki 57, Atletico Madrid na biye da maki 50, sai kuma Real Madrid mai maki 48 a matsayina uku.
LabaranSamun Labaran RFI, Hirarraki, Rubattattuun Labarai, Labarai game da wani, shirye-shirye.
Hulda da mu